أفشة يوجه رسالة مثيرة بعد فوز الأهلي على الإنتاج الحربي
وجه النجم “محمد مجدي أفشة” صانع ألعاب النادي الأهلي رسالة مثيرة إلى أحد الأشخاص عبر حسابه على “إنستجرام” بعد انتهاء مباراة فريقه ضد الإنتاج الحربي.
وجاء نص رسالة أفشة:”إنك تكون محترم ده اختيار انك تكون مؤدب وابن أصول دي تربية وتنشئة ايه السبب اننا بقينا في مجتمع السب والشتيمة بقي شيء عادى؟ يا جماعة والله الدنيا بسيطة ربنا من عليا بنعم كثيرة جدا من حب ناس لتوفيق ورضا أسباب كثيرة جدا وراء انك تشوف شخص ناجح أصلها وأساسها انك تكون مؤدب صبور متصدقش السوشيال ميديا دمرت أساس التربية السليمة”.
وأضاف أفشة: “متستعجلش النجاح خليك مكافح اصبر والتزم بالأصول متجرحش حد بسهولة كده من ورا كيبورد ولا بانك تستسهل الشتيمة ليه كدا بكلمك وأنا أكثر شخص بيتم دعمه وتشجيعه على وسائل التواصل وزي ما فيه حلو فيه وحش أنا كده كده معنديش رد إلا في الملعب دائما سواء للحلو أو الوحش ولكن بزعل جدا على حاجات بشوفها متخصنيش لكن ممكن تؤذي جدا وتهد تعب سنين الأخلاق والاحترام هم أصل الرجولة متنساش”.
